DIRISHA LA MASAHIHISHO MAOMBI YA MIKOPO 2024/2025 KUWA WAZI KWA SIKU 7

Tunawataarifu waombaji wa mikopo ya Wanafunzi kwa mwaka 2024/2025 kuwa baada ya kufanya uhakiki wa maombi yao, tumebaini baadhi ya maombi hayo yanahitaji kufanyiwa masahihisho ili kuruhusu kuendelea kwa hatua inayofuata.  Dirisha la kufanya masahihisho litakuwa wazi kwa siku 7 kuanzia Septemba 15 - 21, 2024.

Aidha, katika kipindi tajwa maombi mapya hayatapokelewa kwani dirisha la maombi ya mkopo limefungwa rasmi Septemba 14, 2024.

Walioomba mikopo wanashauriwa kuingia kwenye akaunti zao walizotumia kuomba mikopo kuona iwapo wanahitajika kufanya marekebisho.

Imetolewa na:

Mkurugenzi Mtendaji,

Bodi ya Mikopo ya Wanafunzi wa Elimu ya Juu

Jumapili, Septemba 15, 2024